Müğənni Rəhim Rəhimli dələduzlardan şikayətçidir

Aktiv internet istifadəçilərinin növbəti “hədəfi” müğənni Rəhim Rəhimli olub.

Onun adından “facebook” sosial şəbəkəsində səhifə açılıb və virtual ünsiyyət zamanı bir çox problem meydana çıxıb. Rəhim Rəhimli Lent.az-a açıqlamasında “facebook” şəbəkəsinin dələduzlarından şikayət edib. O, hazırda bu şəbəkədə səhifəsinin olmadığını və onun adına açılan səhifələrin saxta olduğunu söyləyib: “Mən hazırda “facebook”da yoxam. “Rehim Dostum” niki ilə daxil olan istifadəçi adımdan hər kəslə ünsiyyətə girir, insanları təhqir edir. İnanın mənə, o nə mənəm, nə də menecerim Şahindir. Kimdirsə, dələduzdur, onu tapsaq dərsini verəcəyik”.

Müğənni həm də kömək istəyib: “Facebook” istifadəçilərindən xahiş edirəm, mənim adım altında bu saytda oturan bütün şəxsləri adminlərə şikayət etsinlər ki, o səhifələr bağlansın”.

Lalə Yusifqızı