Emin Ağalarov dünyanın 33 məşhur musiqiçisinin sırasında

Fond “I Tunes” rəqəmsal kompaniyası ilə əməkdaşlıq çərçivəsində “Download for good (Musiqi dünyanı yaxşıya dəyişir)” şüarı ilə disk satışını təşkil edir. Bu barədə Lent.az-a müğənni və iş adamı Emin Ağalarovun mətbuat xidmətindən məlumat verilib. Satışdan əldə olunan vəsait Devid Linç fonduna toplanacaq. Trek-listə dünyanın 33 məşhur sənətçisinin mahnısı daxil edilib. Onların sırasında Mobi, Alanis Morisett, Deyv Stüart, İqqi Pop, Nensi Sinatra, Piter Qabriel, Endi Sammers (“The Police” qrupu), Amanda Palmer, Maroon-5, Tom Uyts, Patrisiya Kaas və başqalarının adını görmək mümkündür.

Siyahıda azərbaycanlı sənətçi Emin Ağalarovun da adı var. Onun “Wonder” albomundan “All I Need Tonight” kompozisiyası 33 trekin arasındadır. Devid Linç deyib ki, siyahıda adları sadalanan incəsənət adamları öz yaradıcılıqlarını da vam etdirməklə yanaşı insanların da həyatını gözəlləşdirirlər.

Emin Ağalarov da öz növbəsində belə bir aksiyada iştirak etdiyi üçün xoşbəxt olduğunu deyib: “Fondun seçimi məni qürurlandırdı. Şadam ki, musiqim təmiz incəsənət və qlamur şou-biznesdə insanlara nicat, kömək kimi qəbul olunur. Bu fondda mənim də yardım payım olacağı üçün çox xoşbəxtəm. Ümid edirəm ki, dinləyicilərim, bu seçilmiş mahnılardan ibarət diski dinləyənlər Amerikanın məşhur musiqiçi və rejissorunun təşəbbüsünü qiymətləndirəcəklər”.
Lalə Yusifqızı