Qəzada ölümdən dönən məşhur prodüserimiz yeni avtomobil aldı

Bu barədə Lent.az-a T.Səmədova məlumat verib. Onun “Kia picanto” avtomobili yararsız vəziyyətə düşüb: “Qısa vaxt öncə dəhşətli qəza keçirdim. Təsəvvür edin, maşın elə əziyyətə düşmüşdü ki, sağ çıxmağım möcüzə idi. Avtomobili o vəziyyətdə görəndə çox pis oldum, ilk maşınım olduğundan mənim üçün çox əzizdir. Elə bilirəm, ikinci övladımdır. O maşın heç vaxt məni yarı yolda qoymayıb. Ona görə də tezliklə düzəlməsini arzu edirəm. Sığorta şirkəti söz verib ki, köməklik edəcək. İnşallah, qısa zamanda köhnə maşınımı düzəldərlər”.

Təranə Səmədova avtomobili təmirdən çıxanadək yeni maşın almalı olub. Dediyinə görə, maşın almağa dostları kömək ediblər: “Təzə götürdüyüm maşın “Nissan Qashqai”dir. Dostlarım “90 LK 030” nömrəsini hədiyyə ediblər. Yaxşı dostlarımın sayəsində hər şey yoluna düşür, hər bir dostuma da ayrıca təşəkkürümü bildirirəm. İnsan belə hadisələrdən sonra həyatda dəyər verdiyi varlıq və ətrafında dostlarının qədrini bilməyə başlayır. Tək şükür etdiyim odur ki, Allah məni övladıma bağışladı, o cür qəzadan sağ çıxdım. Qəza olanda birinci qızım Suel gözümün önünə gəldi. Bu da bir sınaq idi”.

Lalə