Daha bir müğənnimizin toyu oldu

Lent.az-ın məlumatına görə, xalası qızı ilə ailə həyatı quran müğənninin məclisinə qohumları, mətbuat nümayəndələri və sənət dostları qatılıb. Toyu Pərvinin ən yaxın dostları Abbas Bağırov və Elçin Hüseynov idarə edib. Məclisdə iştirak edənlər arasında xalq artisti Flora Kərimova, sənətçilər Röya Ayxan, Nazənin, Abbas Bağırov, Elariz, Rüfət Axundov, Vasif Məhərrəmli, “Şeron” qrupu və digərləri olublar.

Vasif Məhərrəmli və Nazəninin rəqsləri toyun diqqətçəkən məqamlarından olub. Hamilə olduğu iddia olunan müğənni Nazəninin xarici görünüşündəki dəyişiklik iddiaları müəyyən mənada doğrulayıb.

Məclis iştirakçıları toya yalnız təbrik üçün gələn, mahnı oxumağı planlaşdırmayan Röya Ayxanı mahnısız məclisi tərk etməyə qoymayıblar. Röyanın canlı ifası bütün iştirakçıları coşdurub, demək olar ki, hamı oynayıb.

Mətbuat nümayəndələrini toya dəvət edən müğənni onlardan xahiş edib ki, həyat yoldaşının şəklini yaxından çəkməsinlər...

Nəzrin