Azərbaycanda "Eurovision Junior" üçün qrup yaradılıb

Bu barədə Lent.az-a qrupun yaradıcısı bəstəkar Ülviyyə Vəliyeva məlumat verib: “Hazırda bu ölkədə uşaq mahnıları yatıb, inkişaf yoxdur, hamı uşaqları unudub. Yalnız sevgidən yazırlar. Özü də elə yazırlar ki, insanın sevməyi də gəlmir artıq. Xarici kanallara baxıram və uşaqların necə üzə çıxdığını, inkişaf etdiyini görürəm. Aktiv, kamera ilə işləyirlər, utancaq deyillər. Niyə bizdə bu yoxdur? Uşaqlarla işləmək lazımdır. Bu öhdəliyi, məsuliyyəti üzərimə götürmək qərarına gəldim. "Butterflies" ("Kəpənəklər") adında 4 qızdan ibarət ilk qrupumu yaratdım. Qrupun üzvləri - Ləman, Nigar, Aylin və Nəzrin adlı çox aktiv, enerji dolu qızlardır”.

Qrup bir ayın içində iki mahnı yazdırıb, fosessiyalar hazırlayıb: “Bir ayın içində 2 mahnı işlədik, fotosessiyalar hazırladıq. Çox yorulduq, amma gördüyümüz işdən böyük zövq aldıq. Bundan sonra da uşaq qrupları, solo ifalar və s. üzə çıxartmaq fikrim var. Yəni, marağı olanlar müraciət edə bilər. İstedadlı, aktiv, maraqlı uşaqlarla işləməkdən zövq alıram”.

Lalə Yusifqızı