Sənətçi Xumar Qədimovaya gecə sürprizi

Aprelin 26-da doğum gününü qeyd edən müğənnini yaxınları gecə saat 12-də sürpriz məkana qonaq aparıblar. Bu barədə müğənni özü Lent.az-a açıqlama verib: “Bir neçə gündür, Bakıda yox idim, əvvəl Şəmkirə, oradan da Tiflisə getmişdim. Mənə dedilər, gecə saat 12-dək mütləq Bakıda olum. Yolda gördüm, bacım telefonda nəyisə pıçıldayır. Nəhayət məlum oldu ki, onlar mənə ad günü sürprizi hazırlayıblar”.

Tədbir saat 3-dək davam edib. Sənətçi aldığı hədiyyələrdən danışmayıb: “Əvvəla, onu dönə-dönə vurğulayım ki, mənim üçün ad günü, özəl gün deyilən anlayış yoxdur. Adi gündə yaşadığım xoşbəxtlik özəl günüm, bayramımdır. İnsanlar xüsusi günlərdə çalışırlar ki, yaxşı görünsünlər. Mən insanlara arzu edirəm ki, adi günlərdə də bayram əhval-ruhiyyəsində olsunlar. Ad günümdə, bayramda nə aldığım vacib deyil. Adi gündə də hədiyyə ala və bunu çox dəyərləndirə bilərəm”.

Lalə Yusifqızı