Müğənnimiz qonaqları kinoteatrda qarşıladı

Lent.az-ın məlumatına görə, Park Bulvardakı kinoteatrda keçirilən tədbirdə müğənnilər Röya Ayxan, Namiq, Emin Bədəlov, Rahidə Baxışova və Kərim də iştirak ediblər. “Gecdi Daha” mahnısının bəstəkarı Nailə Mirmməmmədli, sözlərinin müəllifi isə Nihal İbrahimovadır. Mahnıya Türkiyədə klip çəkilib. Burada müğənni Sevda Yəhyayevanın tərəf müqabili tanınmış futbolçu, “Neftçi” klubunun üzvü Ruslan Abışovdur.

Tədbirdə Sevda Yəhyayevanın şəxsi saytı olan www.sevdayahyayeva.com rəsmi internet ünvanı da təqdim olunub. Həmin saytla canlı yayımlanan təqdim mərasimində qeyd olunub ki, mahnıya klip Türkiyənin Antalya şəhərində lentə alınıb.
Daha sonra klipə baxış olub. Klip barədə fikirlərini bildirən Sevda Yəhyayevanın sənət dostu Röya isə müğənnini ifasını bəyəndiyini, lakin onun aktyorluq qabiliyyətinin çox zəif olduğunu bildirib. Öz növbəsində Ruslan Abışov isə futbol oynamağın klipdə aktyorluq etməkdən qat-qat çətin olduğunu deyib. O bildirib ki, klipdə çəkiliş onun üçün asan keçib.

Qeyd edək ki, təqdimatda futbolçular - braziliyalı Rodriginyo, Flavinyo, Belçika komandasının hücumçusu Emil Mpenza, Makedoniya yığmasının oyunçusu Mitrevski, Azərbaycan yığmasının müdafiəçisi Rail Məlikov və digərlərinin iştirak edib.

Lal Yusifqızı