Baş tutmayan toy mərasimi klipə çevrildi
22 yanvar 2011 11:47 (UTC +04:00)

Baş tutmayan toy mərasimi klipə çevrildi

Klipin süjetində həyatda baş verən hadisələr yer alıb. Bu barədə Lent.az-a klipin ideya müəllifi Murad Arif məlumat verib: “Süjet xətti real həyatdan götürülüb. Onun əsasında baş tutmayan toy mərasimi durur. İdeya mənə məxsusdur. Bu klipi Ülviyyə Könüldən gözəl heç kim çəkə bilməzdi. İstədik ki, “Ağ mələyim”in klipi Hindistan filmlərinə bənzəməsin. Elə də oldu”.

Murad Arif klipin üç günə çəkilib təhvil verildiyini qeyd edib: “Onu da deyim ki, Ülviyyə Könül fantastik insandır. Təsəvvür edə bilirsiniz, “Ağ mələyim 3 günə hazırlandı! Düz 4 aydır klip çəkilişlərinə start vermək istəyirdik. İdeyamız da fərqli idi, mahnını xoşbəxt cütlüyə həsr etmək istəyirdik, lakin hər dəfə ortaya mistik səbəblər çıxırdı. Son gün ideyanı dəyişdik və həyatda baş verən hadisəni ekranlaşdırmaq istədik. Yanvarın 3-də işə başladıq və bu soyuqda dənizdə çəkiliş etdik. Alınan işdən çox məmnunuq. Xəyyam da, mən də Ülviyyə xanıma təşəkkür edirik!”

Lalə Yusifqızı
# 738

Oxşar yazılar