Xuraman Şuşalı, Hüseyn Dərya və Marina Əliyeva eyni səhnədə - FOTO

Konsertin təşkilatçısı, prodüser Samir Xəttab bildirib ki, dekabrın 14-də, “Narkotikə yox deyək!” adı altında baş tutacaq konsertdə Xuraman Şuşalıdan və Marina Əliyevadan başqa reper Hüseyn Dərya da iştirak edəcək. “Hazırda konsertin hazırlıq prosesləri ilə məşğuluq. Mən, bu konserti təşkil etmək üçün neçə müddət idi ki, razılıq eldə etmişdim. Sadəcə konsertin baş tutacaq gününü açıqlamaq istəmirdim” –deyə Samir bildirib.

Daha sonra dağıstanlı həmkarı Marina Əliyeva ilə eyni səhnəni paylaşacaq müğənni Xuraman Şuşalı konsert barəsində danışıb. “ Marina xanım Azərbaycanda o qədər tanınmasa da, Dağıstanın əməkdar artistidir. Şadam ki, Marina xanımla eyni səhnəni paylaşacağam və çox sevinirəm ki, konsertimizin adı “Narkotikə yox deyək” adı altında keçirilir. Hər kəsi konsertə dəvət edirəm. Çünki, sizləri fərqli bir konsert proqramı gözləyir”.

Yalçın Süleymanov