“O səs Azərbaycan” - VİDEO

Lent.az-ın məlumatına görə, proqramın dünənki bölümündə həmyerlimiz Elgün Quliyev çıxış edib. Cahangir Cahangirovun “Ay qız” mahnısını səsləndirən Elgün özünün istedadı, intellektual cavabları ilə münsiflərin marağını qazanıb. 4 münsifdən 3-ü Elgünə öz komandasında çıxış etməsini təklif edib. Həmyerlimiz isə Mustafa Sandalla çalışmağı qərar verib.

Elgün atasının aktyor, anasının pianoçu olduğunu söyləyib.

Lent.az-ın məlumatına görə, Elgün Quliyev Akademik Milli Dram Teatrının aktyoru, əməkdar artist Elxan Quliyevin oğludur. Elxan Quliyev Lent.az-a açıqlamasında bildirib ki, oğlu 1997-ci ildən Türkiyədə yaşayır. Ankara Universitetinin Rəhbərlik və psixologiya fakültəsini bitirdikdən sonra İstanbula gedib. Hazırda İstanbulda magistratura təhsili alır. Oğlu ilə fəxr etdiyini deyən Elxan Quliyev bildirib ki, Elgünün Azərbaycan adı ilə çıxış etməsini həm də böyük uğur hesab edib.

Yarışmada iştirak edən digər həmyerlimiz Aynurə Əhmədova isə “Sitem” mahnısını ifa edib və Hülya Avşarın komandasına daxil olub.

Elgün Quliyev (Ay qız) - VİDEO

Jalə