Məşhur teleaparıcını yalançı adlandırdılar

Tanınmış teleaparıcı Zemfira Adıgözəlovanın paparazziliklə bağlı iddiası həmkarları tərəfindən birmənalı qarşılanmayıb. Lent.az-ın məlumatına görə, Lider TV-nin “Fotoşok” verilişinin aparıcısı və bu yaxınlarda başlayacaq “Super kimdir?” verilişinin rejissoru Novruz Məmmədov həmkarını fikirlərinə kəskin etiraz edib. Lent.az-ın məlumatına görə, Novruz Məmmədov bildirib ki, Azərbaycanda paparazzi veriliş yaratmaq onun ideyası olub: “Bu tipli verilişlər və “paparazzi party”lər təşkil etmək mənim ideyam olub. Həmin partilərdə baş verən hadisələri verilişdə yayımlamışıq. Şəxsən mən ideyamı Lider TV-nin rejissoru Anar Hüseynova danışmışam, o da təklifi bəyənərək rejissorluğu öz üzərinə götürüb. Beləcə, “Fotoşok” verilişi yaranıb. Daha sonra Anarla qərara gəldik ki, hazırkı həmkarım Murad Əzimzadə də bizimlə bu layihədə olsun. Verilişimizin adını isə hazırda da “Fotoşok”un redaktoru olan Rahil Kərimov fikirləşib. Demək istəyirəm ki, Azərbaycanda ilk və tək, həm də sırf paparazzi verilişi “Fotoşok”dur, onun da ideya müəllifi də mənəm. Əgər Zemfira “Azərbaycanda paparazziliyi mən yaratmışam” deyibsə, deməli yalan danışıb”.

Qeyd edək ki, Zemfira Adıgözəlova Lent.az-a açıqlamasında Azərbaycanda paparazziliyi özünün yaratdığını iddia etmişdi.

Yalçın Süleymanov