Xatun: “Deyərdim, amma demirəm”

Müğənni Xatun şou-biznesdəki müğənniləri haqqında qalmaqal yaradacaq açıqlamalar verib. Lent.az-a danışan müğənni həmkarlarını gündəmdə ancaq qeyri-adi hərəkətlərlə qalmaqda ittiham edib: “Şou aləmində əksər müğənnilər qalmaqalı və qeyri-adi hərəkətləri ilə yadda qalır. Misal üçün Nadir Qafarzadə gündəmlə ayaqlaşan müğənnidir. Ancaq ən çox qalmaqalı ilə yadda qalıb. Röya Ayxan da qalmaqalları ilə yadda qalıb, komplektsiz müğənnidir, başqa nə ilə yadda qaldığını isə deyərdim, amma demirəm. Elza Seyidcahan səsi ilə yox, heyvanlara konsert verməyi və qeyri-adi saç düzümü, geyimləri ilə yadda qalıb”.

Xatun sonda şəxsi həyatı ilə bağlı gəzən şayiələrə açıqlama verərkən bildirib: “Mənim ailə həyatı qurmağa hazırlaşdığım barədə xəbərlər yayılıb, nə təsdiq edirəm, nə də təkzib. Bircə onu deyə bilərəm ki, niyə də olmasın?”

Yalçın Süleymanov