Xanım müğənni Samir Piriyevə kükrədi: “Sırtıqcasına...” -

Lent.az-ın məlumatına görə bunu tanınmış müğənni Roza Zərgərli “Qəlbdən sevən” adlı mahnısına çəkilən klipinin təqdimat mərasimini söyləyib. Rejissorluğunu özü etdiyi klipi haqqında danışan müğənni bildirib ki, süjet xətti onun həyatından bəhs edir. Belə ki, həyat yoldaşı ilə 10 il ərzində qarşılaşdığı maraqlı hadisələri lentə yazdırdığını deyən müğənni bildirib ki, illərdir yaşadığı anlar bu klipdə yer alıb.

Müğənni mətbuat konfransı zamanı həmkarı Samir Priyevin ünvanına sərt ittihamlar səsləndirib. Belə ki, Samir Priyev Zərgərlidən mahnını öz toyunda oxumaq üçün icazə alıb. Lakin sonradan bir neçə il bu mahnını icazəsiz oxuması Roza Zərgərlini qəzəbləndirib: “Əlbəttə ki, bu mahnı mənim ifamda daha gözəl alınıb. Çünki bunun möhürünü mən vurmuşam. Samir isə məndən icazə aldı ki, bunu yalnız bir dəfə toyumda öz xanımım üçün ifa edəcəyəm. Mən də belə bir şad hadisə üçün razılaşdım. Ən pisi isə odur ki, o, həmin mahnını ifa etdikdən bir neçə gün sonra telekanalların birində canlı efirə çıxıb, onu öz mahnısı kimi təqidm etdi. Bu, mənə çox pis təsir etdi. O, özünə layiq olmayan hərəkətlə bu mahnını sırtıqcasına 5 il dalbadal oxudu. Hər hansı bir işdə halallıq almamaq mədəniyyətsizlikdir. Samirin məndən sonra bu mahnıya klip çəkdirməyə hünəri belə çatmaz”.

Qeyd edək ki, mahnının musiqisi isə Aynur Adilqızına, sözləri isə Könül Əmirxanlıya məxsusdur.

Jalə