Müğənni Rəqsanə məhkəmədə ifadə verdi

Lent.az-ın məlumatına görə, məhkəmə prosesində iştirak edən Rəqsanə iddiasında bildirib ki, adı çəkilən qardaşlar ona təzyiq göstərir, özü və ailə üzvləri də bundan əziyyət çəkir. Müğənni prosesdəki çıxışı zamanı da iddiasını təsdiq edib. Prosesdən sonra jurnalistlərə açıqlama verən Rəqsanə məhkəmədə narahatlıq keçirdiyini bildirib: “Məhkəmə çəkişməsində iştirak etdiyim üçün daxili narahatlığımı gizlədə bilmədim. Amma bir qadın üzərində gücünü göstərən, davamlı olaraq ona və ailəsinə təzyiqlər göstərən insanların yalan danışmalarını birlikdə sübuta yetirmək istədim. Dəlillər var və məhkəməyə təqdim edilib. Hər şey sübuta yetirilsin, bu, mənə bəsdir. Prtosesdə hakim mənim güclü qadın olduğumu söylədi. Bildirdim ki, mən tək Allaha sığınıb, ona inanıram. Orucumu tuturam, haram işlərdən çəkinirəm. Tanrım bağışlayandır, mən niyə əfv etməyim. Həm də ictimaiyyətin tanıdığı insanam, anayam. Tək özümü deyil, bu tərəflərini də düşünürəm. İstədiyim budur ki, adıma, övladlarımın adına xələl gəlməsin. Bir də zəif cinsin nümayəndəsi ilə bu cür davranılmasın. Məqsədim yalnız budur”.

Rəqsanə məhkəmə prosesinin hələ davam edəcəyini söyləyib. Amma o, hakimin tövsiyəsi ilə növbəti iclasa vəkilini nümayəndə qismində göndərəcək: “Yeni mövsümlə bağlı çoxlu planım var. Vaxtımı məhkəmələr yox, yaradıcılığa sərf etmək istəyirəm. Ümid edirəm ki, haqq-ədalət yerini alacaq”.