Aygün Kazımova: “İl yarım vaxt verin”

Bu barədə Lent.az-a açıqlama verən müğənni bildirib ki, illər öncə məşğul olduğu idman üzrə yenidən məşq etsə, uğur qazanması çətin olmaz: “Mən artıq yaxşı müğənniyəm. İdman isə elə bir sahədir ki, gərək daim buna görə məşq edəsən. Amma sizi əmin edirəm ki, mənə il yarım vaxt verilsə, həndbol üzrə məşq etsəm, çox yaxşı bir komanda kapitanı olaram” .

Xalq artisti bildirib ki, o, həndbol komandamız üçün klip çəkdirmək niyyətindədir: “Əslində mənim planlarım tamam başqa cür idi. Mən həndbol komandamız üçün klip çəkdirəcəkdim. Amma göründüyü kimi, indi əsas diqqət Azərbaycanda keçirilən futbol üzrə qadınlar arasında dünya çempionatına yönəlib. Ona görə də indi məhz futbol üzrə klip çəkilməli idi. Gələcəkdə isə mütləq həndbola aid işlər görəcəyəm”.

Jalə