“Bu şəhərdə”nin “Bal-Duz”unun vaxtı dəyişdi

“Bu şəhərdə”nin Heydər Əliyev Sarayında keçirilməsi planlaşdırılan konsert proqramının vaxtı dəyişib. Bu barədə Lent.az-a açıqlamasında komandanın prodüseri və ssenaristi Müşfiq Abbasov deyib. Onun sözlərinə görə, oktyabrın 5-dən 9-dək keçirilməsi nəzərdə tutulan konsert 8-12 oktyabrda olacaq.

Konsertin vaxtının dəyişdirilməsinə səbəb isə həmin tarixdə görkəmli Azərbaycan bəstəkarı Müslüm Maqamoyevin xatirəsinə həsr olunan dövlət tədbirinin keçirilməsidir.

Komandanın artıq konsert üçün məşqlərə başladığını söyləyən prodüser bildirib ki, “Bal-Duz” adlanan budəfəki konsertlərində 7 nömrə nümayiş olunacaq. Ənənəvi səhnələrdən istifadə edəcəklərini deyən prodüserin sözlərinə görə, konsertdə Rusiya şou-biznesindən qonaq müğənni də qatılacaq. Hələlik onun kimliyini açıqlamayan ssenarist budəfəki konsertdə də müğənnilərin parodiya ediləcəyini istisna etməyib.

Qeyd edək ki, Heydər Əliyev sarayında keçiriləcək konsertin biletləri artıq satışdadır.

Jalə