Qubada qonşuların mübahisəsi qanla bitib.
Lent.az-ın xəbərinə görə, hadisə Dağlı kəndində baş verib.
45 yaşlı Yusif Nəzərovla (şərti adla) bağ qonşusu olan Nəzakət (şərti adla) arasında mübahisə yaranıb. Mübahisə get-gedə böyüyüb və Yusif əlindəki ot biçən mişarla qadına hücum edərək, əlini kəsib.
Faktla bağlı cinayət işi başlanıb.
Təqsirləndirilən şəxs ifadəsində bildirib ki, bağ qonşusu olan Nəzakətlə əvvəllər münasibətləri normal olub. Sonradan torpaq üstündə onların arasında mübahisələr yaranıb. 2-3 dəqiqə davam edən sonuncu mübahisə zamanı otbiçən mişarla Nəzakətin əlinə xəsarət yetirib. Yusif Nəzərov zərərçəkənlə barışdığını bildirib.
Zərərçəkən qadın da həmçinin qonşusundan şikayətçi olmadığını deyib.
Məhkəmənin qərarı ilə cinayət işinə xitam verilib və Y. Nəzərov məsuliyyətdən azad edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
