Rostov şəhərinin Kirov rayon Məhkəməsi kriminal dairələrdə Karlik kimi tanınan Vaqan Nerkararyan hədə-qorxu ilə pul tələb etdiyinə görə cəzasını sərt rejimli həbsxanada çəkmək şərtilə on il müddətinə azadlıqdan məhrum edib.
Lent.az-ın xarici mediaya istinadla məlumatına görə, Nerkararyan məhkəmədə günahını boynuna alıb.
İstintaqın məlumatına görə, təqsirləndirilən şəxs 2016-cı ilin iyun ayından sentyabr ayına kimi 1 saylı təcridxanada olarkən kamera yoldaşını və onun qohumlarını qətllə hədələyərək qiymətli kağızlar tələb edib. Bu işdə ona iki cinayət ortağı kömək edib, onlara qarşı iş ayrıca icraata ayrılıb. Nəticədə zərərçəkən Nerkararyana 23 milyon rubl dəyərində əmlak verib.
Bundan əlavə, 2016-cı ilin sentyabrından noyabr ayına qədər fiziki zorakılıqla hədələyərək eyni məhbusdan 2,6 milyon rubl məbləğində tikinti müqavilələri üzrə tələb etmək hüququ alıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
