Bərdədə yeniyetmənin öz qonşusunu bıçaqlaması barədə xəbər vermişdik.
Rayon Prokurorluğundan Lent.az-a verilən xəbərə görə, iyulun 11-i Bərdə rayonunun Qarağacı kənd sakini 56 yaşlı Sahib Bayramovun almış olduğu xəsarətlərdən müalicə aldığı xəstəxanada ölməsi barədə rayon prokurorluğuna məlumat daxil olub.
Aparılmış istintaqla 17 yaşlı Zöhrab Əsgərovun iyulun 9-da aralarında yaranmış mübahisə zamanı Sahib Bayramova bıçaqla xəsarətlər yetirməsi nəticəsində sonuncunun 2 gün sonra müalicə aldığı xəstəxanada ölməsinə əsaslı şübhələr müəyyən edilib.
Fakta dair Cinayət Məcəlləsinin 120.1-ci (qəsdən adam öldürmə) maddəsi ilə Bərdə rayon prokurorluğunda cinayət işinin istintaqı aparılır.
Zöhrab Əsgərov təqsirləndirilən şəxs qismində cəlb olunaraq barəsində həbs qətimkan tədbiri seçilib.
Hazırda ibtidai istintaq tədbirləri davam etdirilir.