Türkiyədə keçmiş Yeşilcam aktyoru qətlə yetirilib.
Lent.az yerli mediaya istinadla bildirir ki, hadisə İstanbul şəhərinin Beşiktaş bölgəsində baş verib.
Hollandiyada yaşayan və müvəqqəti Türkiyəyə gələn aktyor 62 yaşlı Mehmet Serdar Sulukahya sosial şəbəkədə tanış olduğu 20 yaşlı Fatma Gülsümü evinə çağırıb. Evdə tərəflər arasına mübahisə yaranıb. Mətbəxə keçən qız bıçaq götürüb və Sulukahyaya dəfələrlə zərbə vurub.
Sürünə-sürünə qonşularına gedən aktyor kömək istəyib. Hadisə yerinə gələn həkimlər ilkin yardımdan sonra yaralını xəstəxanaya aparıblar. Ancaq görülən tədbirlərə baxmayaraq, aktyoru xilas etmək mümkün olmayıb.
Hadisəni törədən qız isə evdən qaçıb. Polisin keçirdiyi əməliyyat nəticəsində cinayətkar saxlanılıb. O, ifadəsində yaşlı aktyorun ona cinsi təcavüz etdiyini bildirib. Fatma Gülsüm barəsində həbs qətimkan tədbiri seçilməsi üçün məhkəməyə aparılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
