İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinqlər keçirilib. Nazirlikdən Lent.az-a verilən məlumata görə, bu zamanı Bakının Xətai, Suraxanı, Nizami rayonlarında, eləcə də Sumqayıt, Goranboy, Şirvan, Yevlax, Kürdəmir, Şamaxı, Masallı, Şəki və Ağdam rayonlarında yerləşən ticarət mərkəzlərində saxlama müddəti ötmüş malların satıldığı aşkarlanıb.
Nazirlikdən o da bildirilib ki, keyfiyyətsiz məhsulların aşkarlandığı müəssisələr arasında Bakının Nizami rayonu ərazisində yerləşən "Mimino" və "Kometa" restoranları da var.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.