Dollar dünya valyutalarına nisbətdə ən yüksək həddə çatıb

Dolların məzənnəsi dünyanın əsas valyutalarına nisbətdə qəflətən yüksəlib.

“APA-Economics” “Bloomberg” agentliyinə istinadən məlumat verir ki, ABŞ-ın milli valyutasının məzənnəsində dəyişikliyi izləməyə imkan verən dollar indeksi əsas valyutalardan olan avro, yapon yeni, funt sterlinq, Kanada dolları, İsveçrə frankı, İsveç kroununa qarşı 2002-ci ildən bəri ən yüksək həddə çatıb.

Yanvarın 3-də avronun dollara qarşı məzənnəsi 1% ucuzlaşaraq 1,0341 dollara düşüb. Bu 2003-cü ildən bəri ən aşağı göstərici sayılır. Belə ki, sonuncu dəfə bu göstərici 2003-cü ilin yanvarın 3-də qeydə alınıb.

Yanvarın 3-də Yapon yeni dollara qarşı 0,6% ucuzlaşaraq 118,6 dollara, Türkiyə lirəsi isə 1,7% ucuzlaşaraq 3,6 lirəyə bərabər olub. Türkiyə lirəsi dollara nisbətdə ən çox ucuzlaşan valyuta olub.

Yanvarın 3-də Moskva birjasında dollar rubla qarşı 91,75 qəpik və ya 60,355 rubla qədər ucuzlaşıb. Amma dünya bazarında dolların möhkəmlənməsi səbəbindən neftin ucuzlaşması rublun məzənnəsinə təsir edib. Dolların bahalaşması fonunda Brent markalı neft 3 dollar ucuzlaşıb. Dünya bazarında trendin bu cür dəyişməsi ilə rubl ucuzlaşmağa başlayıb. Bununla da ticarət əməliyyatları zamanı dollar yenidən 61 rubl həddinə qayıdıb.