Azərbaycanda iki bankın rəhbəri dəyişdi - YENİLƏNİB

Orxan Xubanlı "Azər Türk Bank" ASC-nin İdarə Heyətinin sədri vəzifəsini müvəqqəti icra edəcək. "APA-Economics"in əldə etdiyi məlumata görə, müvafiq qərar bankın Müşahidə Şurasının iclasında verilib.

Qeyd edək ki, O.Xubanlı bundan öncə lisenziyası ləğv olunan "Bank Standard" QSC-nin İdarə Heyəti sədrinin müavini olub.

O.Xubanlıdan öncə bu vəzifəni müvəqqəti olaraq Xalid Əhədov icra edib.

15:54

Azərbaycan Beynəlxalq Bankının İdarə Heyətinin sədri Elmar Məmmədov vəzifəsindən kənarlaşdırılıb.

“APA-Economics”in bank dairələrindən əldə etdiyi məlumata görə, “Azər-Türk Bank”ın İdarə Heyətinin sədrinin müvəqqəti icraçısı Xalid Əhədov E.Məmmədovun yerinə təyin olunub.

X.Əhədovun yerinə hələlik təyinat olmayıb.