Böyük Britaniyanın yeni kralı III Karlın tacqoyma mərasiminin təşkilinə 100 milyon funt sterlinq (125 milyon dollar) sərf ediləcək.
Lent.az-ın xarici mediaya istinadən xəbərinə görə, mərhum kraliça II Yelizavetanın 1953-cü ildə keçirilmiş tacqoyma mərasimi dövlət büdcəsinə 50 milyon funt sterlinqə başa gəlmişdi. Ondan öncəki kral VI Georq üçün təşkil edilən mərasimə isə1937-ci ildə 24,8 milyon funt sterlinq tələb olunmuşdu.
Xatırladaq ki, III Karlın tacqoyma mərasimi mayın 6-da baş tutacaq. Mərasimə 2 min nəfər VIP qonaq dəvət olunub. Bayram təntənəsi 3 gün davam edəcək. Tədbirdə dünyanın ən məşhur ulduzları konsert proqramı ilə çıxış edəcəklər.
Kral tədbirin rəsmi hissəsinin 1 saat çəkməsini və daha sadə təşkil edilməsini istəyib.
Qeyd edək ki, kraliça II Yelizaveta 2022-ci il sentyabrın 8-də vəfat edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
