Xaçmazda inşa olunan soyuducu anbarın tikintisi dayandı - FOTO
04 aprel 2011 16:25 (UTC +04:00)

Xaçmazda inşa olunan soyuducu anbarın tikintisi dayandı - FOTO

Xaçmaz rayonunun Ağaşirinoba kəndi ərazisində inşa olunan soyuducu anbarda tikinti işləri dayanıb. Buna səbəb burda çalışan şəxslərin əməkhaqqı ala bilməmələridir. Lent.az-ın bölgə müxbirinin verdiyi məlumata görə, 13-dək tikintidə çalışan şəxs 2 ayın əməkhaqqını ala bilmir. Şikayətçilər deyir ki, etiraz əlaməti olaraq işi dayandırıblar və 4 aydır ki, işləmirlər.

Tikintinin iş icraçısı Babək Pirverdiyev Lent.az-a bildirib ki, aprel ayının 15-ə kimi işçilərə əməkhaqqıları veriləcək.

İqtisadi İnkişaf Nazirliyinin mətbuat xidmətinin rəhbəri Abbas Əliyev Lent.az-a bildirib ki, soyuducu anbar, əsas hissəsi Sahibkarlığa Kömək Milli Fondunun krediti hesabına olmaqla tikilir. Fond ayırdığı vəsaitin təyinatı üzrə xərclənməsinə nəzarət emək üçün mütəmadi monitorinqlər keçirir.

Abbas Əliyev işçilərin əməkhaqqının verilməməsi və işin dayandırılması barədə onlarda məlumat olmadığını deyib. O, məsələni araşdıracaqlarını bildirib.

Vəli Turan
# 632

Oxşar yazılar