(R) “PwC Azerbaijan” Daxili Audit üzrə üçün seminar keçirib

Lent.az-ın məlumatına görə, “Risklərin İdarə Edilməsi: Daxili Audit üzrə Qabaqcıl Praktika” adlı seminar 2011-ci il martın 31-də Park İnn otelində baş tutub. Seminarda daxili audit üzrə 100 nəfərdən artıq peşəkar iştirak edib.

Seminarda daxili audit funksiyasının fəaliyyəti, eləcə də daxili auditin keyfiyyəti, dəyər və keçid məsələləri müzakirə edilib.

“PwC” Mərkəzi və Şərqi Avropa şirkətinin daxili audit xidmətləri üzrə direktoru Endryu Kross (Andrew Cross) və “PwC Azerbaijan” şirkətinin audit üzrə meneceri Ziya Məmmədov seminarda təqdimatla çıxış ediblər.

Seminar təşəbbüsünü şərh edən “PwC Azerbaijan” şirkətinin partnyoru Vüqar Əliyev bildirib: “Seminar daxili auditorların peşəkarlıq səviyyəsini yüksəltməyə yönəlib. “PwC Azerbaijan” sadəcə konsaltinq agentliyi deyil. Biz Azərbaycanda audit xidmətlərinin səviyyəsinin yüksəldilməsi üçün strateji töhfə veririk. Bu, audit peşəkarları üçün öz nəzəri və praktiki biliklərini yüksəltmək üçün unikal imkandır”.

“Seminar bu silsilədən olan növbəti tədbirdir. Gələcəkdə, biz audit sahəsinin müxtəlif aspektlərinə həsr olunmuş daha çox seminar və treninqlər keçirəcəyik” - deyə, Vüqar Əliyev qeyd edib.

Seminarda banklar daxili audutin rolu, daxili auditin keyfiyyəti və auditin risklərin menecmentindəki rolu haqda geniş məlumat verilib.