“Azəriqaz” İB-də açıq mətbuat saatı keçiriləcək

Azərbaycan Respublikası Dövlət Neft Şirkətinin (ARDNŞ) mətbuat xidmətindən Lent.az-a bildiriblər ki, “açıq mətbuat saatı” aprelin 1-də saat 12:00-dan 13:00-dək keçiriləcək. Bu müddət ərzində kütləvi informasiya vasitələri nümayəndələri 490-54-33 və 490-54-24 nömrəli telefonlarla əlaqə saxlayaraq təbii qazdan istifadədə təhlükəsizlik məsələləri ilə bağlı “Azəriqaz” İB-nin Təhlükəsizlik, Ekologiya və Keyfiyyətə nəzarət şöbəsinin rəisi Abbasəli Quliyevdən suallarına cavab ala bilərlər.

Xatırladaq ki, ARDNŞ-nin ən iri istehsalat birliklərindən olan “Azəriqaz” son dövrlər ölkənin qaz təminatının yaxşılaşdırılması, bərpası və təbii qaz almayan yaşayış məntəqələrinin qazlaşdırılması, qaz şəbəkəsinin inkişafı istiqamətində mühüm işlər görür, istehlakçıların təbii qaza olan tələbatını fasiləsiz təmin etmək məqsədi ilə genişmiqyaslı layihələr həyata keçirir. Lakin hələ də respublika ərazisində təbii qazdan düzgün istifadə edilməsi qaydalarının pozulması hallarına rast gəlinir ki, bu da arzuolunmaz hadisələrin yaranmasına səbəb olur.

Elxan SALAHOV