(R) Azərbaycan mebeli Ukraynada - FOTO

Sərgidə ən böyük – 200 m² -lıq stendi götürmüş Embawood, Ukrayna alıcılarına 2011-ci ilin yeni modellərini nümayiş etdirib. Şirkətin sərgidə fərqləndirici digər xüsusiyyətlərindən biri də 600-ə yaxın fəal iştirakçı cəlb etməklə keçirilmiş kampaniya oldu. Kampaniyada iştirak etmiş hər kəsə şirkət tərəfindən müxtəlif dəyərdə hədiyyələr, qadınlara isə ayrıca gül dəstələri təqdim edilmişdir. Kampaniya nəticələri Ukrayna alıcılarının Azərbaycan mebelini müsbət qiymətləndirdiklərini göstərdi.

Məlumat üçün bildirək ki, mart ayında Kiyevdə beş yeni Embawood mağazası fəaliyyətə başlamışdır. Ukrayna bazarına şirkət yeni logo ilə daxil olmuşdur. Loqonun Azərbaycan və şirkətin fəaliyyət göstərdiyi digər bazarlar üçün də yaxın bir neçə ay ərzində yenilənməsi gözlənilir.

Sərgi zamanı həmçinin, “Ukrayna Dizayn Günləri” adlı müsabiqə keçirilmişdir. Embawood şirkəti tərəfindən müsabiqəyə təqdim edilmiş Olivye Konsepti sərginin ən gözəl mebel konsepti kimi birinci yerə layiq görülmüş və diplomla təltif olunmuşdur.

Eyni zamanda 11 mart 2011-ci il tarixində sərgi çərçivəsində ənənəvi KİFF - Kiyev Beynəlxalq Mebel Forumu da öz işinə başlamışdır. İtaliya, Türkiyə, Ukrayna, Rusiya kimi ölkələri təmsil edən şirkətlərlə yanaşı forumun fəal iştirakçılarından biri də Embawood şirkəti olmuşdur. Şirkəti təmsil edən Embawood brend meneceri İlkin Manafov forum çərçivəsində keçirilmiş “Avropa və Asiya bazarları” adlı seminarda “Avropa və Asiya bazarlarının mebel araşdırması” adlı mövzuda təqdimat etmiş və Embawood şirkətinin bu istiqamətdə inkişaf strategiyası barədə məlumat vermişdir. Forumun yekununda Embawood, ekspertlər tərəfindən son iki ildə MDB ölkələrinin mebel şirkətləri arasında dinamik inkişaf edən şirkət kimi qəbul edilmişdir.

Qeyd edək ki, Ümumdünya Sərgi Sənayesi Asossiasiyası (UFİ), Avropanın Massimo Papiri, Paolo Portoghesi, Qarold V. Qresser kimi aparıcı dizaynerləri tərəfindən yüksək qiymətləndirilən bu forum biznesin inkişafı, satışın artırılması yolları, effektiv işgüzar əməkdaşlıq üsulları kimi mövzuları özündə birləşdirərək daim yeni ideyaların, kreativliyin və innovasiyaların mərkəzi olmuşdur.