İqtisad Universitetinin nəzdində institut yaradıldı
16 sentyabr 2009 15:00 (UTC +04:00)

İqtisad Universitetinin nəzdində institut yaradıldı

Baş nazir Artur Rasizadə “Azərbaycan Dövlət İqtisad Universitetinin nəzdində İqtisadi Araşdırmalar Elmi-Tədqiqat İnstitutunun yaradılması haqqında” qərar imzalayıb. Lent.az-ın Nazirlər Kabinetinin (NK) mətbuat xidmətinə istinadən yaydığı məlumata görə, NK bu qərarı Təhsil Nazirliyinin təklifini nəzərə alaraq verib.
Qərara əsasən, Azərbaycan Dövlət İqtisad Universitetində fəaliyyət göstərən “Azərbaycan regionlarının inkişafı problemləri üzrə elmi araşdırma və konsaltinq” Mərkəzinin bazasında və mövcud ştat vahidləri dairəsində Azərbaycan Dövlət İqtisad Universitetinin nəzdində İqtisadi Araşdırmalar Elmi-Tədqiqat İnstitutu yaradılır. İqtisadi Araşdırmalar Elmi-Tədqiqat İnstitutunun fəaliyyəti ilə bağlı tələb olunan xərclər dövlət büdcəsinin mərkəzləşdirilmiş xərclərinin Azərbaycan Dövlət İqtisad Universiteti üzrə nəzərdə tutulmuş vəsait çərçivəsində həyata keçiriləcək.
Pərvin ABBASOV
# 599

Oxşar yazılar