Mübariz Mənsimovun 7 ulduzlu oteli təhlükədə
23 iyun 2009 14:00 (UTC +04:00)

Mübariz Mənsimovun 7 ulduzlu oteli təhlükədə

Türkiyədə yaşayan azərbaycanlı iş adamı Mübariz Mənsimovun İstanbulda tikdirdiyi 7 ulduzlu otellə bağlı bəzi problemlər ortaya çıxıb.

Lent.az-ın Türkiyə mətbuatına istinadən verdiyi məlumata görə, “Palmali” Şirkətlər Qrupunun sahibi İstanbulda 2003-cü ildə terrorçular tərəfindən partladılan HSBC (İngiltərə bankının Türkiyə filialı) binasının ərazisini satın alıb. İş adamı İstanbul Bələdiyyəsindən müvafiq icazə almadan həmin ərazidə 7 ulduzlu otel tikdirməyə başlayıb.

Tikinti Beşiktaş rayonu ərazisində aparılır. Rayon bələdiyyəsindən Mənsimovun lazımi sənədləri təqdim etmədiyini və inşaat üçün razılıq almadığını təsdiqləyiblər. Bələdiyyədən bildirilib ki, bu səbəbdən tikinti dayandırılıb. Ancaq Türkiyə KİV-i ərazidə inşaatın davam etdiyi foto-şəkillərlə təsdiq edib.

Qeyd edək ki, ultra lüks otelin damında vertolyot meydançası tikilməsi nəzərdə tutulub.
# 968

Oxşar yazılar