Oğuz-Qəbələ-Bakı su kəməri ilə bağlı audit yoxlamaları aparıla bilər
27 yanvar 2011 16:07 (UTC +04:00)

Oğuz-Qəbələ-Bakı su kəməri ilə bağlı audit yoxlamaları aparıla bilər

Lent.az-ın məlumatına görə, Dövlət Neft Fondunun icraçı direktoru Şahmar Mövsümov keçirdiyi mətbuat konfransında belə deyib. O qeyd edib ki, Hesablama Palatası həm fondun özündə, həm də fondun vəsaitləri hesabına maliyyələşən layihələrin icrası ilə bağlı yoxlamalar aparıb. Fond rəhbəri bildirib ki, Hesablama Palatası fondun vəsaitləri hesabına həyata keçirilən layihələrdə, o cümlədən, ictimaiyyət tərəfindən daha çox söz-söhbətə səbəb olan Oğuz - Qəbələ - Bakı su kəmərinin tikintisinə ayrılan vəsaitlərin xərclənməsi ilə bağlı araşdırmalar, audit yoxlamaları apara bilər. Ş.Mövsümovun sözlərinə görə, indiyədək bütün yoxlamaların nəticələri fondun özünün hesablamaları ilə tam üst-üstə düşüb.


Fondun icraçı direktoru həmçinin bildirib ki, Oğuz - Qəbələ - Bakı su kəmərinin tikintisinə ayrılan vəsaitlərin hesablanması üzrə Hesablama Palatasının apara biləcəyi audit yoxlamalarının nəticələri “Azərsu” Səhmdar Cəmiyyətində də olacaq. Və bu halda istənilən şəxs, maraqlı tərəflər bu məlumatlarla tanış ola bilərlər.

Elxan SALAHOV
# 1032

Oxşar yazılar