Nar Mobile ilə uşaqlar Yeni İldə bir daha sevindilər
08 yanvar 2011 09:00 (UTC +04:00)

Nar Mobile ilə uşaqlar Yeni İldə bir daha sevindilər

Nar Mobile-ın təşəbbüsü ilə 08 yanvar 2011-ci il tarixində “Landmark” biznes mərkəzinin “Rotunda” zalında bir neçə uşaq evinin iştirakı ilə 300 nəfərdən ibarət balaca balalarımız üçün Yeni il bayramı münasibətilə əyləncəli proqram təşkil edildi.

Aksiyanı keçirməkdə əsas məqsəd ata-ana məhəbbətindən, valideyn nəvazişindən məhrum olan uşaqlara sevinc dolu gün bəxş etməkdir. “Rotunda” zalında keçirilən tədbir zamanı, estrada ulduzları uşaqlar üçün şən əyləncəli proqram təqdim edildi. Daha sonra teatr səhnəmizin sevimli aktyorları körpə balalara, “Yeni il nağılı” tamaşasını göstərərək, onları sevindiriblər.

Tədbirin sonunda Nar Mobile tərəfindən, balaca balalarımıza hədiyyələr təqdim edildi.

Sosial layihələr ilə seçilən Nar Mobile ölkəmizin gələcəyi olan uşaqları hər zaman diqqət mərkəzində saxlayır, onlara qayğı göstərir. Sosial müdafiəyə ehtiyacı olan uşaqları dəstəkləmək, ümumiyyətlə Azerfon MMC-nin Korporativ Sosial Məsuliyyət siyasətinin tərkib hissəsidir və bu siyasət bundan sonra da davam etdiriləcək.
# 775

Oxşar yazılar