Subsidiyaların verilməsi qaydaları dəyişdi
28 dekabr 2010 11:22 (UTC +04:00)

Subsidiyaların verilməsi qaydaları dəyişdi

Nazirlər Kabineti "Kənd təsərrüfatı məhsullarının istehsalçılarına əkin sahəsinin becərilməsində istifadə etdiyi yanacaq və motor yağlarına görə dövlət büdcəsinin vəsaiti hesabına yardımın verilməsi Qaydaları"na dəyişiklik edib.

Nazirlər Kabinetinin mətbuat xidmətindən Lent.az-a bildiriblər ki, qərara əsasən, yanacaq və motor yağlarına görə dövlət büdcəsinin vəsaiti hesabına kənd təsərrüfatı məhsulları istehsalçılarına yardımların ödənilməsi üçün istehsalçılara plastik kartların bir dəfə deyil, üç ildən bir veriləcək.

"Kənd təsərrüfatı məhsullarının istehsalçılarına əkin sahəsinin becərilməsində istifadə etdiyi yanacaq və motor yağlarına görə dövlət büdcəsinin vəsaiti hesabına yardımın verilməsi Qaydaları", "Aqrolizinq" ASC və digər hüquqi və fiziki şəxslər tərəfindən kənd təsərrüfatı məhsullarının istehsalçılarına mineral gübrələrin güzəştlə satılması Qaydaları"na dəyişikliklər barədə təkliflər Maliyyə Nazirliyindən və Kənd Təsərrüfatı Nazirliyindən daxil olmuşdu.

Baş nazir Artur Rasizadənin dekabrın 24-də imzaladığı qərar həmin gündən qüvvəyə minir.

Elxan SALAHOV
1 2 3 4 5 İDMAN XƏBƏRLƏRİ
# 1217

Oxşar yazılar