ARDNŞ prezidenti Rövnəq Abdullayevin Sinqapura səfəri çərçivəsində bu ölkənin Keppel şirkətinin baş ofisində ARDNŞ, Azərbaycan İnvestisiya Şirkəti (AİŞ) və “Keppel Offshore and Marine” (KOM) şirkəti arasında Bakıda yeni gəmiqayırma və təmir zavodunun inşası ilə əlaqədar yaradılacaq Birgə Müəssisənin təsis müqaviləsi imzalanıb. Lent.az-ın ARDNŞ-in rəsmi saytına istinadən verdiyi məlumata görə, “Bakı Gəmiqayirma Zavodu MMC” adlanacaq Birgə Müəssisənin təsis müqaviləsini ARDNŞ prezidenti Rövnəq Abdullayev, AİŞ direktoru Əfqan İsayev və KOM-un Baş icraçı direktoru Tong Chong Heong imzalayıblar.
Mərasimində “Keppel” Korporasiyasının baş icraçı direktoru, KOM Direktorlar Şurasının sədri Choo Chian Beng iştirak edib. Müqaviləyə əsasən, yeni yaradılacaq Birgə Müəssisədə ARDNŞ - 65%, AİŞ- 25%, KOM isə 10% paya malikdir. KOM-a növbəti 3 il ərzində öz payını daha 10% artırmaq hüququ da verilir.
Xatırladaq ki, 2009-cu ilin sonunda tərəflər arasında Azərbaycanda yeni gəmiqayırma zavodunun inşası ilə əlaqədar Anlaşma Memorandumu (Müqavilə Başlıqları) imzalanıb və 19 mart 2010-cu ildə Azərbaycan Respublikasının Prezidenti İlham Əliyevin iştirakı ilə zavodun təməlqoyma mərasimi keçirilib. Həmin mərasimdə Sinqapur Respublikasının xarici işlər naziri Georg Yeonun rəhbərliyi ilə Sinqapur nümayəndə heyəti də iştirak edib. Hazırda bu sahədə böyük təcrübəyə malik Böyük Britaniyanın “Royal Haskoning” və Niderlandın “TTC” şirkətləri tərəfindən zavodun layihələndirmə işləri həyata keçirilir. Eyni zamanda paralel olaraq zavodun tikiləcəyi ərazidə torpaq işləri aparılır və sahənin geniş tikinti üçün hazırlanması davam etdirilir.
Tikinti işlərinin həyata keçirilməsi üçün dəvət olunacaq potensial şirkətlər arasında onların bu işləri aparmaq imkanlarını yoxlamaq məqsədi ilə tenderqabağı sorğu keçirilib və tenderə dəvət olunacaq şirkətlərin son siyahısı hazırlanıb. Zavodun 2013-cü ilin iyun ayında fəaliyyətə başlaması planlaşdırılır. Müəssisənin istehsal gücü ildə 25000 ton metal konstruksiyaların istehsalına bərabərdir. Zavod ildə 4 ədəd 15000 ton yükgötürmə qabiliyyətinə malik tanker, 4 ədəd isə dəniz təchizat və ya yedək gəmisi tikmək imkanına malik olacaq. Ümumiyyətlə, Bakı Gəmiqayırma Zavodunun inşa edilməsində əsas məqsəd Xəzər dənizi hövzəsində tələbat duyulan bütün növ gəmilərin hazırlanmasıdır.
Sinqapurda “Bakı Gəmiqayırma Zavodu MMC” Birgə Müəssisəsinin təsis müqaviləsi imzalanıb
İDMAN XƏBƏRLƏRİ
1815
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
Oxşar yazılar
"Azercell"in antikorrupsiya siyasəti beynəlxalq ekspertlər tərəfindən dəyərləndirildi
11 dekabr 2024 , 15:30
ABB Biz-də qeydiyyatdan keçib Mobil POS istifadə et, kiçik biznes üçün 9%-lə kredit al!
11 dekabr 2024 , 15:17
Bakının bu rayonlarında işıq olmayacaq
11 dekabr 2024 , 10:53
"Unibank"a 3-24 ay müddətinə əmanət qoy, yüksək gəlir qazan!
10 dekabr 2024 , 17:20
“Çaybulans” payız günlərində bölgələrə yola düşüb
10 dekabr 2024 , 15:44
"Azercell" ilə “Kinon Plus”dan 7 gün pulsuz istifadə imkanı
10 dekabr 2024 , 15:23
Azərbaycanda özəl pensiya fondları yaradılır - ŞAD XƏBƏR
10 dekabr 2024 , 10:59
