Çörək bazarında monitorinq aparılır
19 noyabr 2010 17:16 (UTC +04:00)

Çörək bazarında monitorinq aparılır

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti çörək bazarında monitorinqlərə başlayıb. Nazirliyin mətbuat xidmətindən Lent.az-a bildiriblər ki, monitorinqlər Bakıda və ölkənin müxtəlif regionlarında aparılır. Monitorinqlər zamanı çörəyin qiymətində dəyişiklik faktları aşkarlanarsa, bunun səbəbləri öyrəniləcək.

Monitorinqlərin nəticələri barədə ictimaiyyətə məlumat veriləcək.

Xatırladaq ki, noyabrın 19-dan etibarən Bakının bəzi ərazilərində çörəyin qiyməti bahalaşıb. Belə ki, artıq şəhərin əksər yerlərində 30 qəpiklik zavod çörəyi 40 qəpiyə satılır. Həmçinin son bir neçə gündə 50 kiloqramlıq unun da qiyməti 18-20 manatdan 24 manatadək qaldırılıb. Bəzi mağazalarda isə ümumiyyətlə, unun satışı dayandırılıb.

Elxan SALAHOV
1 2 3 4 5 İDMAN XƏBƏRLƏRİ
# 712

Oxşar yazılar