Büdcə layihəsi hökumətə qaytarıldı
13 oktyabr 2010 18:15 (UTC +04:00)

Büdcə layihəsi hökumətə qaytarıldı

2011-ci il dövlət büdcəsi haqqında qanun layihəsinin Milli Məclisdə müzakirəsi başa çatıb. Lent.az-ın verdiyi məlumata görə, bu gün keçirilən iclasda iqtisadi inkişaf naziri Şahin Mustafayev, maliyyə naziri Samir Şərifov parlamentdə səslənən təkliflərə münasibət bildirib və bu təkliflərin nəzərə alınacağına söz veriblər.


Daha sonra büdcə zərfinə daxil olan “Dövlət Sosial Müdafiə Fondunun 2011-ci il büdcəsi haqqında”, “Azərbaycan Respublikasında 2011-ci il üçün yaşayış minimumu haqqında”, “Azərbaycan Respublikasında 2011-ci il üçün ehtiyac meyarının həddi haqqında” qanun layihələrinə münasibət bildirilib.


Bununla da Milli Məclisdə büdcə zərfinin müzakirəsi başa çatıb. Spiker Oqtay Əsədov deyib ki, 2011-ci il dövlət büdcəsi layihəsi parlamentin verdiyi rəylə Nazirlər Kabinetinə göndəriləcək. Hökumət 10 gün müddətində layihəyə baxmalı, Milli Məclisdən daxil olan təkliflər nəzərə alınmalı və büdcə layihəsi qəbul olunmaq üçün yenidən parlamentə qaytarılmalıdır. O bildirib ki, parlamentin növbəti iclası oktyabrın 22-də keçiriləcək və həmin iclasda büdcənin təsdiq olunması gözlənilir.


Qeyd edək ki, Milli Məclisin 3-cü çağırışda sonuncu iclası da elə oktyabrın 22-də olacaq.


Elxan Salahov
# 574

Oxşar yazılar