CATEL xidmətlərinin on-line ödəmə sistemini tətbiq etməyə başladı

CATEL şirkətinin Silverkey Azerbaijan (GoldenPay ödəmə sisteminin operatoru) şirkəti ilə birgə göstərdiyi bu xidmət evdən çıxmadan və ya iş yerini tərk etmədən hesabları ödəməyə və balansı artırmağa imkan yaradır. Bank kartları ilə ödənişlərin aparılması üçün bu vasitə CATEL şirkəti tərəfindən həm mobil və stasionar CDMA rabitəsindən istifadə edən, həm də sabit şəbəkə xətlərindən istifadə edən abunəçilərin rahatlığını təmin etmək məqsədilə tətbiq olunur.

İndi CATEL şirkətinin “Visa/Visa Elestron” və “Mastercard/Maestro” ödəmə kartlarına sahib olan bütün abunəçilər, Lent.az saytında, Online Ödəmələr bölməsində http://www.lent.az/pay.php rabitə xidmətlərinə görə ödəniş apara bilərlər.

Balansın on-line rejimdə artırılması üçün saytda Stasionar Telefon və ya Mobil operator bölməsinə keçərək telefon nömrəsini, ödəniş məbləğini və kart məlumatını daxil etmək kifayətdir. Abunəçilər hətta xaricdə olanda da ödənişləri İnternet vasitəsilə apara bilərlər.

On-line ödəniş barəsində ətraflı məlumatı www.catel.az və ya www.goldenpay.az saytından almaq mümkündür.

GoldenPay, ilk və təhlükəsiz İnternet ödəmə sistemi kimi, 50-dən artıq Azərbaycan şirkətinə xidmət göstərir. Fəaliyyət üçün GoldenPay aparıcı beynəlxalq ödəmə sistemləri olan “Visa International” və “MasterCard” tərəfindən lisenziya almışdır. Sistemdə ödənişləri dünyanın istənilən bankı tərəfindən emissiya olunmuş VISA/VISA Electron, MasterCard/Maestro kartları ilə mümkündür. Sistemin təhlükəsizliyinin gücləndirilməsi məqsədilə “VeriSign” SSL şifrələnməsindən istifadə olunur.