“Siyəzən-Broyler” satıldı
13 sentyabr 2010 13:34 (UTC +04:00)

“Siyəzən-Broyler” satıldı

Əmlak Məsələləri Dövlət Komitəsinin “Siyəzən-Broyler” ASC-nin səhmlərinin satışı üzrə elan etdiyi investisiya müsabiqəsi başa çatıb. Müsabiqənin nəticələrinə əsasən, “MONOLİT–D LTD” firması qalib elan olunub.

Əmlak Məsələləri Dövlət Komitəsindən Lent.az-a bildiriblər ki, müsabiqənin qalibi şərtlərə uyğun olaraq, 2 milyon 400 min manat məbləğində pul vəsaitinin dövlət büdcəsinə köçürmək öhdəliyi götürüb. Bundan başqa, “MONOLİT–D LTD” firması silinmək üçün 40 min ədəd dövlət özəlləşdirmə çekini təqdim etməli, 3 il ərzində 16 milyon 230 min 610 manat məbləğində investisiya qoyuluşunun yerinə yetirməlidir.

Nəzərdə tutulan investisiyalar müəssisənin anaclıq zonaları və anaclıq inkubatoriyasında, broyler inkubatoriyası və broyler zonalarında, kompressor, soyutma sexlərində, kəsim və sanitar kəsim, qazanxana və yandırma sexlərində, traktor və avtomobil parklarında, laboratoriya binasında və yem sexində təmir-tikinti və yenidənqurma işlərinin aparılması, zəruri texnoloji avadanlıqların alınıb quraşdırılması, kommunikasiya xətlərinin çəkilməsinə, damazlıq cücə, yem, dərman, vitamin və yem əlavələrinin alışına yönəldiləcək.

Elxan SALAHOV
# 1235

Oxşar yazılar