Bankomatlar və Pos-terminallar artır
08 sentyabr 2010 16:19 (UTC +04:00)

Bankomatlar və Pos-terminallar artır

Hazırda Azərbaycanda 1809 ədəd bankomat fəaliyyət göstərir. Bu göstərici ötən illə müqayisədə 209 ədəd çoxdur.

Azərbaycan Mərkəzi Bankının mətbuat xidmətindən Lent.az-a bildiriblər ki, avqustun 1-ə bankomatların 1014-ü Bakı şəhərində, 795-i isə digər şəhər və rayonlarda yerləşir. Bu dövrdə Azərbaycan Respublikası üzrə Pos-terminalların sayı 8769 ədəd olub. Bu göstərici ötən ilin müvafiq dövrü ilə müqayisədə 284 ədəd çoxdur. Hazırda pos-terminalların 7980-i Bakı şəhərində, 789-u isə digər regionlarda yerləşir.


Mərkəzi Bankda onu da bildirirlər ki, avqustun 1-ə ölkə üzrə dövriyyədə olan ödəniş kartların sayı keçən ilin müvafiq dövrünə nisbətən 10,4 faiz artıb. Hazırda dövriyyədə olan ödəniş kartlarının sayı 4 milyon 154 mindir. Bankomatlar və Pos-terminallar vasitəsilə ödəniş kartları ilə aparılan əməliyyatların sayı 4 milyon 343 min ədəd olmuşdur. Onlardan 95,8 faizi debet kartlarının payına düşür.

Elxan SALAHOV
# 1182

Oxşar yazılar