Tovuzda su anbarı tikilir
16 fevral 2009 18:38 (UTC +04:00)

Tovuzda su anbarı tikilir

Su anbarının köməyi ilə 1800 hektar ərazi suvarılacaq

Tovuzda su anbarı tikilir. Tovuzçay su anbarının tutumu 20 milyon kubmetr olacaq. Su anbarından əkin sahələrinin suvarılması üçün istifadə ediləcək. Anbardan həmçinin Ağstafa kanalının qidalanması üçün uzunluğu 7 km olan kəmər də çəkilir. Bu barədə Lent.az-ın Gəncəbasar müxbirinə Tovuz rayon İcra Hakimiyyəti başçısının müavini Fikrət Tağıyev məlumat verib. “Su anbarının tikilişindən sonra əkin sahələrinin suvarılması ilə bağlı problem tam aradan qaldırılacaq. Anbarın köməyi ilə 1800 hektar ərazi suvarılacaq. Tikinti işləri 2011-ci ilədək başa çatacaq” - deyə Fikrət Tağıyev bildirib.

Rayonda həmçinin Kür çayının köməyi ilə Gürzan Su Elektrik Stansiyasının tikintisi nəzərdə tutulur.

Vüsalə Cənnətova
# 1847

Oxşar yazılar