“Nar Mobile”la Səsiniz Hər Yerdə Eşidiləcək!

1 sentyabr 2010-cu il tarixindən etibarən “Nar Mobile”la Səsiniz Hər Yerdə Eşidilsin!” kampaniyasına start verir.

Şirkətin mətbuat xidmətindən Lent.az-a verilən məlumata görə, kampaniyanın məqsədi “Nar Mobile”ın yüksək keyfiyyətli şəbəkəyə, Azərbaycanın ərazisinin 80%-nə çatan əhatə dairəsinə malik olması və etibarlı rabitə xidmətləri görsətməsini əhaliyə çatdırmarqdır.

2009-2010-cu illər ərzində “NarMobile” mobil operatoru Azərbaycan üzrə əhatə zonasını əhəmiyyətli dərəcədə artırıb. “Azerfon” İdarə Heyətinin Sədri Cüneyt Türktan deyib ki, Azərbaycanın hətta ucqar güşələrində “NarMobile” şəbəkəsinin yüksək keyfiyyətli fəaliyyəti şirkətin böyük uğurudur və əhatə dairəsinin genişlənməsinə yönəlmiş bütün işlərin tam həcmdə reallaşdırılması nəticəsində “Nar Mobile” ölkənin bütün regionlarında fasiləsiz rabitə imkanı yaradır.

Şəbəkənin səmərəli optimallaşdırılması sayəsində 2010-cu ilin yayında “NarMobile” selə məruz qalmış rayonları fasiləsiz rabitə ilə təmin edib. Görülən tədbirlər seldən zərər çəkən abunəçilərə qohumları və yaxınları ilə daim ünsiyyətdə olmaq, Fövqəladə Hallar Nazirliyinin xilasetmə xidmətinə isə işini effektiv tərzdə əlaqələndirmək və dəyişən vəziyyətə operativ cavab vermək imkanını verib.

ONS şirkətinin Azərbaycanın mobil rabitə bazarında apardığı araşdırmaların nəticələrinə əsasən “Nar Mobile” səs və şəbəkə keyfiyyətinə görə birinci yeri tutub. 24-28 avqust tarixlərində isə “NarMobile” və İdmanın ekstremal növləri üzrə Federasiyası tərəfindən Azərbaycanın ən yüksək, dəniz səviyyəsindən 4466 m hündürlüyündə yerləşən Bazardüzü zirvəsinə yürüş keçirilib. Quraşdırılmış stansiyaların sayəsində “Nar Mobile”ın əhatə dairəsi alpinistlərin yaxınları ilə daim ünsiyyətdə olmasını təmin edib.

Qeyd edək ki, zəngin mədəni irsi müasirliklə birləşdirərək, özündə təzahür etdirən ‘NarMobile” mobil operatoru 2007-ci ildə fəaliyyətə başlayıb. Bu günə “NarMobile” şəbəkəsindən 1 500 000 qədər abunə istifadə edir və bu rəqəm günbəgün artır.