Rusiyanın ən varlı övladı azərbaycanlıdır

Rusiyada uşaq milyarderlərin sayı 1,5 dəfə, onların malik olduqları sərvət isə 2 dəfə artıb. Lent.az-ın “Finans” jurnalına istinadən verdiyi məlumata görə, Rusiyanın ən varlı adamlarının bu ilki varislərinin reytinq cədvəli bunu söyləməyə əsas verir.

Reytinq cədvəli valideyn milyarderlərin bütün qanuni uşaqlarına ayırdıqları miras əsasında tətbiq olunur. Rusiyada ən varlı uşaq “Lukoyl” prezidenti Vaqif Ələkğərovun oğlu Yusif Ələkbərovdur. Ailənin yeganə uşağı olan Yusif sərvətin yeganə varisidir. “Lukoyl” prezidentinin sərvəti hazırda 10,65 milyard dollar dəyərləndirilir.

İkinci yerdə “Alfa-Qrupp”un qurucularından olan Aleksey Kuzmiçin yeganə qanuni oğlu gəlir. Aleksey Kuzmiçin sərvəti keçən il 3,5 milyard olsa da, bu il 7,1 milyard dollara çatıb. Üçüncü yeri isə “Rusal” şirkətinin sahibi Oleq Deripaskanın övladları Petr və Marina bölüşdürürlər. Məşhur milyarder Roman Abromoviçin uşaqları da ilk altılığa daxildir.

“Finans” jurnalındakı reytinq cədvəli avqustun 30-da bütöv halda dərc olunacaq.