"Zenit" müdafiəçi Abdulkerim Bardakçının transferi üçün "Qalatasaray"a 5 milyon avro təklif etsə də, rədd cavabı alıb.
Lent.az bildirir ki, bu barədə "Sabah" xəbər verir.
“Qalatasaray” 2022-ci ilin yayında "Konyaspor"dan Bardakçını 2,8 milyon avroya alıb.
Şayiələrə görə, təkcə “Qalatasaray” yox, Bardakçı özü də “Zenit”in təklifindən imtina edib.
28 yaşlı Bardakçı 2022/23 mövsümündə "Qalatasaray"ın heyətində bütün yarışlarda 33 oyuna çıxıb, 3 qol vurub və 3 məhsuldar ötürmə verib.