Sentyabrın 7-də İsrail və Azərbaycanın futbol üzrə milli komandaları arasında keçiriləcək 2014-cü ildə dünya çempionatının seçmə qrup matçının hakimləri açıqlanıb. Lent.az-ın məlumatına görə, Ramat Gan şəhərindəki eyniadlı stadionda keçiriləcək oyunun baş hakimi Ştefan Yohannesson olacaq.
Ona Ştefan Uittberq və Fredrik Nilsson yan xətt, Mixael Leryös 4-cü hakim qismində kömək edəcəklər. Hakimlər briqadası İsveçdəndir.
Qeyd edək ki, Ştefan Yohanesson və Ştefan Uittberq avqustun 30-da İngiltərənin “Çelsi” və Almaniyanın “Bavariya” komandaları arasında keçirilmiş UEFA Super Kuboku uğrunda matçın hakimlər briqadasında da yer alıb. Yohanesson əlavə (qapı arxası), Uittberq 4-cü hakim qismində referi Yonas Erikssona kömək edib. Həmin oyunun UEFA nümayəndəsi isə AFFA-nın baş katibi Elxan Məmmədov olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
