Tofiq Fətullayev İntizam Komitəsindən kənarlaşdırılır

AFFA-nın martın bu gün keçiriləcək Hesabat-Seçki Konfransında Assosiasiyanın komissiya və komitə sədrləri də təsdiqlənəcək. Apasport.az saytının məlumatına görə, prezidenti və İcraiyyə Komitəsinin üzvlərini seçəcək Konfrans iştirakçıları qurumun fəaliyyət göstərən komissiya və komitələrinin rəhbərləri ilə bağlı da qərar verəcək.

Bu komitələrdən birində dəyişikliyin olacağı gözlənilir. Belə ki, AFFA-nın İntizam Komitəsində sədr dəyişikliyi gündəmdədi. Uzun müddətdi komitənin dəyişməz rəhbəri olan Tofiq Fətullayevin postundan ayrılacağı gözlənilir. Artıq bu postun ehtimal olunan yeni rəhbəri də bəllidi. Əgər dəyişiklik baş verərsə, İntizam Komitəsinə sədrlik İlqar Əliyevə tapşırılacaq.

Xeyli vaxtdı ölkə futboluna müxtəlif vəzifələrdə xidmət edən sonuncu Lisensizyalaşdırma qrupunun rəhbər müavini, Sahə Futbol Federasiyaları İctimai Birliyinin vitse-prezidenti kimi də çalışıb.

Budəfəki Konfransa isə o, Şimal RFF vitse-prezidenti kimi qatılacaq. Qeyd edək ki, AFFA-nın Hesabat-Seçki Konfransı “Hilton” otelində keçiriləcək.