Dünya çempionatının III yer uğrunda oyunu Luis Felipe Skolarinin Braziliya millisində son matçı olacaq. Apasport.az saytının məlumatına görə, bunu Braziliya Futbol Konfederasiyasının yeni vitse-prezidenti Delfim Peyşotu açıqlayıb.
Bu yaxınlarda vəzifəsinin icrasına başlayacaq braziliyalı yeni rəhbərliyin baş məşqçi dəyişikliyi edəcəyini bildirib: “Skolari bir də Braziliya yığmasında olmayacaq. Onu heç vaxt qaytarmayacağıq. Skolari bizim üçün yükdür”.
2002-ci ildə Braziliyaya son çempionluğu qazandıran Skolari yarımfinalda Almaniyaya 1:7 hesablı məğlubiyyətdən sonra ölkəsindəki bütün nüfuzunu itirib. Artıq onun yerinə “Korintians”ın baş məşqçisi tam adı Adenora Leonardo Bakki olan Titenin gətiriləcəyi iddia edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
