“Shamkir Chess 2014" turnirinin istirahət günündə Şəmkirdə şahmat məktəbinin açılışı olacaq. Lent.az-ın məlumatına görə, aprelin 25-də baş tutacaq təntənəli mərasimə turnir iştirakçıları, “Synergy Group” şirkətinin rəsmiləri və media nümayəndələri qatılacaqlar.
Ardınca rapid üzrə dünya çempionu Şəhriyar Məmmədyarov və blits üzrə dünya çempionu Sergey Karyakin Zəka Gənclər Mərkəzində yeniyetmələrə 10 lövhədə seans keçirəcək. Saat 16:00-da isə 4 komandanın iştirakı ilə futbol turniri təşkil olunacaq. Yarışda əcnəbi şahmatçılar dünya yığmasında, yerli qrossmeysterlər isə Azərbaycan millisinin heyətində çıxış edəcəklər.
Bundan əlavə, futbol turnirində təşkilatçı "Synergy Group" əməkdaşlarından ibarət komanda eləcə də jurnalistlərin komandası mübarizə aparacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
