“Real”ın hücumçusu Kriştianu Ronaldo məhkəmədə ifadə verib.
Qol.az-ın İspaniya mətbuatına istinadən yaydığı xəbərə görə, vergidən yayınmaqla ittiham olunan Ronaldo bunları deyib:
“Mən hər zaman - Portuqaliyada da, İngiltədə də, İspaniyada da üzərimə düşən öhdəliyi lazımi qaydada yerinə yetirmişəm. Nəyisə gizlətməyim qeyri-mümkündü. Mən açıq kitab kimiyəm. Məsələn, “Forbes” jurnalı mənim bütün gəlirlərim haqda məlumatlıdır.
Mən komandama inanıram. Onlara yüksək məvacib ödəyirəm ki, hər bir işi lazımi qaydada görsünlər. 2014-cü ildə bütün vergiləri ödəmişəm.
Altıncı sinfə qədər oxumuşam. Yalnız yaxşı futbol oynamağı bacarıram. Əgər vəkillərim deyirlərsə ki, hər şey qaydasındadı, onlara inanıram”.
Xatırladaq ki, Ronaldo 2011-2014-cü illər aralığında vergi orqanlarından 14,7 milyon avronu gizlətməkdə şübhəli bilinir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
