Çempionlar Liqası: Roma və Portoda qol yağışı

Apaspot.az saytının məlumatına görə, azarkeşlər daha 16 qarşılaşma izləyə bilib.

İkinci oyun gününün mərkəzi matçı Almaniyada baş tutub. Burada son mövsümün iki ölkə çempionu - “Bavariya” ilə “Mançester Siti” münasibətlərinə aydınlıq gətirib. Maraqlı keçən oyunda azarkeşlər yalnız bir qola şahidlik edib. Oyunun 90-cı dəqiqəsində Boatenq mançesterliləri cəzalandıraraq, komandasına 3 xal qazandırıb. Dumanlı Albionun digər təmsilçisi “Çelsi” isə dogma azarkeşləri önündə “Şalke”ni sınağa çəkib. Hərəyə bir dəfə fərqlənən tərəflər meydandan sülhlə ayrılıb – 1:1.

“Ayaks”- PSJ (1:1), “Maribor” - “Sportinq” (1:1) və “Atletik” - “Şaxtyor” (0:0) görüşündə də komandalar meydandan bir xalla ayrılmağı bacarıb .“Barselona” isə APOEL-i tək qolla məğlub edib. Günün ən qollu matçları Roma və Porto şəhərlərində baş tutub. Burada hər iki şəhərin eyni adlı klubları darmadağınlı qələbəyə sevinib. Belə ki, “Porto” BATE-nin qapısından 6 top keçirib. “Roma” isə Moskva MOİK-inin torunu 5 dəfə silkələyib.

Çempionlar Liqası

I tur

17 sentyabr

E qrupu

“Bavariya” (Almaniya) – “Mançester Siti” (İngiltərə) - 1:0

Qol: Boatenq, 89

“Roma” (İtaliya) - MOİK (Moskva, Rusiya) - 5:1

Qollar: İturbe, 7, Cervinyo, 10; 31, Maykon, 20, İqnaşeviç, 50-avtoqol - Musa, 82

F qrupu

“Barselona” (İspaniya) - APOEL (Kipr) - 1:0

Qol: Pike, 28

“Ayaks” (Hollandiya) - PSJ (Fransa) - 1:1