Avropanın yığma komandaları iki il ərzində 75 milyon dollar gəlir əldə edə bilərlər. Apasport.az saytı xəbər verir ki, bu təkliflə FİFA-nın prezidenti Canni İnfantino çıxış edib.
Ali futbol qurumunun Millətlər Liqasının qloballaşmasına dair təklifi qəbul olunacağı təqdirdə, ölkə futbol federasiyaları qazanc götürəcəklər. Təbii ki, bu məbləğ əsasən top-komandalar üçündü.
FİFA Avropanın ən güclü 5 yığmasına Millətlər Liqasında keçirəcəyi 6 matça görə 37,5 milyon dollardan 50 milyona qədər pul verməyi təklif edib. Üstəlik, top-komandalar mükafat kimi, daha 25 milyon dollara yaxın gəlir götürə bilərlər. Əgər bu təklif qəbul olunsa, Konfederasiyalar Kuboku ləğv ediləcək.
Qeyd edək ki, Azərbaycan millisi də Millətlər Liqasında mübarizə aparacaq. Yığmamız D liqasında Malta, Farer adaları və Kosovo ilə eyni qrupda yer alır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
